నీల గగన

                                             

నీల గగన ఘనవిచలన ధరణిజా శ్రీ రమణ

మధుర వదన నళిన నయన మనవి వినరా రామా
రామ చక్కని సీతకీ అరచేత గోరింట
ఇంత చక్కని చుక్కకీ ఇంకెవరు మొగుడంట
రామ చక్కని సీతకీ...

పుడత వీపున వేలు విడిచిన పుడమి అల్లుడు రాముడే
ఎడమ చేతను శివుని విల్లును ఎత్తిన ఆ రాముడే
ఎత్తగలడా సీత జడను తాళి కట్టే వేళలో
రామ చక్కని సీతకీ...

ఎర్ర జాబిలి చేయి గిల్లి రాముడేడని అడుగుతుంటే
చూడలేదని పెదవి చెప్పె చెప్పలేమని కనులు చెప్పె
నల్లపూసైనాడు దేవుడు నల్లని రఘురాముడు
రామ చక్కని సీతకీ...

చుక్కనడిగా దిక్కునడిగా చెమ్మగిల్లిన చూపునడిగా
నీరు పొంగిన కనులలోన నీటి తెరలే అడ్డు నిలిచె
చూసుకోమని మనస్సు తెలిపే మనస్సు మాటలు కాదుగా

రామ చక్కని సీతకీ రామ చక్కని సీతకీ అర చేత గోరింట
ఇంత చక్కని చుక్కకి ఇంక ఎవరు మొగుడంట
రామ చక్కని సీతకీ...

ఇందు వదన కుందరదన మంద గమనా భామా
ఎందువలన ఇందు వదన ఇంత మదనా ప్రేమా