Wednesday, 27 February 2013

VARSHAM

VARSHAM

                                             

మెల్లగా తరగనీ.. రెండు మనసుల దూరం
చల్లగా తెరవనీ.. కొంటె తలపుల ద్వారం
వలపు వాన దారాలే.. పంపుతున్నది ఆకాశం
చినుకు పూల హారాలే.. అల్లుతున్నది మనకోసం
తడిపి తడిపి తనతో నడిపి హరివిల్లును వంతెన వేసిన శుభవేళా.....
వర్షం సాక్షిగా తెలపనీ నువు నాకే సొంతం
వర్షం సాక్షిగా కలపనీ బంధం
మెల్లగా తరగనీ.. రెండు మనసుల దూరం
చల్లగా తెరవనీ.. కొంటె తలపుల ద్వారం

నీ మెలికలలోనా.. మెరుపులు చూస్తున్నా
తొలకరిలో తళ తళ నాట్యం నీదేనా
ఉరుములలోనా.. నీ పిలుపును వింటున్నా
చిటపటలో చిటికెల తాళం నీదేనా
మతి చెడే దాహమై అనుసరించి వస్తున్నా
జత పడే స్నేహమై అనునయించనా...
చలి పిడుగుల సడి విని జడిసిన బిడియము తడబడి నిను విడగా
వర్షం సాక్షిగా తెలపనీ నువు నాకే సొంతం
వర్షం సాక్షిగా కలపనీ బంధం

తెరమరుగైనా.. చొరవను ఆపేనా
నా పరువము నీ కనులకు కానుక ఇస్తున్నా
చిరు చినుకైనా.. నీ సిరులను చూపేనా
వరుణునికే ఋణపడిపోనా పైనా
త్వరపడే వయసునే నిలుపలేను ఇకపైనా
విడుదలే వద్దనే ముడులు వేయనా....
మన కలయిక చెదరని చెలిమికి ఋజువని చరితలు చదివేలా
వర్షం సాక్షిగా తెలపనీ నువు నాకే సొంతం
వర్షం సాక్షిగా కలపనీ బంధం
మెల్లగా తరగనీ.. రెండు మనసుల దూరం
చల్లగా తెరవనీ.. కొంటె తలపుల ద్వారం
వలపు వాన దారాలే.. పంపుతున్నది ఆకాశం
చినుకు పూల హారాలే.. అల్లుతున్నది మనకోసం
తడిపి తడిపి తనతో నడిపి హరివిల్లును వంతెన వేసిన శుభవేళా.....
వర్షం సాక్షిగా తెలపనీ నువు నాకే సొంతం
వర్షం సాక్షిగా కలపనీ బంధం

0 comments:

Post a Comment